'A MAFIA (Castanotto-Cassata-Bartolone-)

‘A mafia!   'A mafia!   ‘A mafia! E’ un mali dulurusu!!
Assai chiù peggiu di  ‘nu cancru malignu
 Nun varda ‘u vecchiu e mancu lu carusu!
E la Sicilia  ‘u paga com'un pignu!
‘A mafia!  E' chidda du Passu i Purtedda!

Ahi,  quantu nni mazzoj  figghi di matri!

Ddi matri nun l'avemu mai a scurdari

si la a  Sicilia vulemu riscattari!

Si la Sicilia vulemu riscattari

ddi morti nun l'avemu mai a scurdari!
All'armi, Siciliani, all'armi annamu!

N'autru Vespru stamu priparannu!

 ‘A mafia  'nfunnu 'o mari la jittamu,
si uniti s'arrispunni a lu cumannu!
‘A mafia!   'A mafia!   ‘A mafia!  E’  chidda di Piu La Turri,
di Mattarella, Fava e 'u Ginirali! Com'un vilenu ‘ntà lu sangu scurri porta sulu svinturi, lutti e mali!
E’  l'ura di livarinni  'u buccagghiu!
Di ripigghiari  ‘a  nostra dignitati!
Li nostri armi sunnu:  lu curaggiu,
‘a paci,   'a giustizia e ‘a libirtati!